![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Sputnik V (en ruso: Спутник V) ye una vacuna de vector viral d'adenovirus contra la COVID-19 desembolicada por l'Instituto de Investigación d'Epidemiolochía y Microbiolochía de Gamaleya. Estió rechistrada l'11 d'agosto de 2020 por o Ministerio de Salut de Rusia como Gam-COVID-Vac (en ruso: Гам-КОВИД-Вак).
Gam-COVID-Vac s'aprebó inicialment pa a suya distribución en Rusia y dimpués en atros 59 países (en abril de 2021) sobre os resultaus preliminars d' os estudios de fase I-II publicaus finalment o 4 de setiembre de 2020.[1] L'aprebación en primerías d'agosto de Gam-COVID-Vac estió recibida con criticas d'os meyos de comunicación y debats en a comunidat cientifica sobre si l'aprebación yera chustificada en ausencia d'una investigación cientifica solida que confirmase a suya seguranza y a suya eficacia.[2] O 2 de febrero de 2021, se publicó un analís intermeyo de l'ensayo en The Lancet, que indica una eficacia d'o 91,6 % sin efectos secundarios inusuals.[3]
A distribución masiva d'emerchencia d'a vacuna prencipió en aviento de 2020 en países como Rusia, Archentina, Belarrusia, Hongría, Serbia y os Emiratos Arabes Unius. En febrero de 2021, s'heban ordenau mas de mil millons de dosis d'a vacuna pa a suya distribución immediata a livel mundial.[4]